ერთერთი ეპისკოპოსს განცხადებით სერბეთის ეკლესია კრებას არ დატოვებს , წყარომ განაცხადა, რომ “სერბეთის ეკლესია არ დატოვებს კრებას, სერბეთის ეკლესიის წარმომადგენლები კმაყოფილები არიან კრების და დისკუსიების მიმდინარეობით”

წყარო

გუშინ დიდ და წმიდა კრებაზე თავად სერბეთის პატრიარქი გამოვიდა სიტყვით, იხილეთ მისი გამოსვლა (სერბულად და ბერძნულად)

დღევანდელ დღეს, რომელიც არის ეკლესიის დაბადების დღე – სულთმოფენობის კვირას, წმინდა და დიდ კრებაზე მონაწილე 10 ადგილობრივი ეკლესიის მეთაურმა კრეტის ირაკლეოდან აჩვენეს ერთობისა და სარწმუნოების ნიშანი, გამოთქვეს რა საერთო თანამშრომლობის სურვილი და გაემიჯნენ რა განყოფას, განხეთქილებას და ჩაკეტილობას.
დღევანდელი დღის მნიშვნელობაზე ისაუბრა მსოფლიო პატრიარქმა თავის ქადაგებაში, სადაც აღნიშნა, რომ „ჩვენი განსხვავებული ეთიკური წარმომავლობისაგან მომდინარე პრობლემათა მიუხედავად, ვითხოვთ ყოვლადწმინდა სულის გარდამოსვლას, რათა თანამედროვე მწყურვალე მსოფლიოს ვუჩვენოთ ჭეშმარიტების ნიშანი. სულიწმინდა ჩვენ გვაერთიანებს სრულყოფილი კავშირისათვის.“
დღევანდელი დღე ისტორიულია არა მხოლოდ ქალაქ ირაკლეოსა და კუნძულ კრეტისათვის, არამედ მართლმადიდებლობისთვისაც, ვინაიდან წმინდა მინას სამიტროპოლიტო ტაძარში მსოფლიო პატრიარქ ბართლომეოსისა და ადგილობრივი მართლმადიდებელი ეკლესიების მეთაურთა თანამსახურებით აღესრულა საპატრიარქო წირვა, რომელიც დაემთხვა ეკლესიის დაბადების დღეს, სულთმოფენობის დღესასწაულს.
საპატრიარქო წირვას ესწრებოდნენ საბერძნეთის რესპუბლიკის პრეზიდენტი პროკოფი პავლოპულოსი, პოლიტიკური ელიტისა და ადგილობრივი მთავრობის წარმომადგენლები, დიდ და წმინდა კრებაში მონაწილე ეკლესიათა წარმომადგენლები და მორწმუნე მრევლი, რომელმაც გაავსო წმინდა მინას ტაძრის ეზო.
საღვთო ლიტურგიის მიმდინარეობისას საბერძნეთის რესპუბლიკის პრეზიდენტმა პროკოფი პავლოპულოსმა წაიკითხა „მამაო ჩვენო“ , ხოლო სარწმუნოების სიმბოლო წაიკითხა საგარეო საქმეთა მინისტრის მოადგილემ იანის ამანატიდისმა.
მსოფლიო პატრიარქმა თავის ქადაგებაში წარმოთქვა სხვადასხვა გზავნილები. „დღევანდელი დღე არის ერთობის დღე, საღვთო ევქარისტია აერთიანებს. პირველი ეკლესია წარმოადგენდა 3000 ქრისტიანს, რომლებიც მოინათლნენ. დღეს ვართ ერთი ეკლესია, მიუხედავად იმისა, რომ მოვდივართ სხვადასხვა პოლიტიკური და ისტორიული გზიდან. დღეს სულიწმინდის მიერ აღესრულება ქრისტეს სიყვარული,“ – თქვა მსოფლიო პატრიარქმა.
ქადაგების სხვა ნაწილში აღნიშნა, რომ ჩვენ განსხვავებულობაში, გვაქვს რა თითოეულ ჩვენთაგანს საკუთარი ნიჭი, ვართ ერთიანები. თითოეულ მართლმადიდებელ ეკლესიას აქვს თავისი საუნჯე და მას მიუძღვნის ქრისტეს. არ არსებობს საკუთარი მნიშვნელობის არმქონე და ერთი, წმინდა და სამოციქულო ეკლესიისთვის საჭიროების არმქონე არცერთი ადგილობრივი მართლმადიდებელი ეკლესია.
მსოფლიო პატრიარქი ეკლესიის რაობაზე საუბრისას აღნიშნავს „წარმოვადგენთ ქრისტეს მისტიურ სხეულს და ვუგალობთ ზეციურ ეკლესიას, როგორც ეს იგალობება ამაღლების კონდაკში. ესაა ეკლესიის მისია. გედსამანიის ბაღში ჩვენი მღელვარე ლოცვისას ზოგადსაკაცობრიო მოთხოვნა რჩება ურთიერთდაპირისპირებულ სამყაროში.“
ეკლესიის მისიასთან დაკავშირებით თანამედროვე მსოფლიოში, პატრიარქმა ბართლომეოსმა აღნიშნა, რომ „ჩვენს ეკლესიას მართებს თანამედროვე მსოფლიოს მისცეს ერთობისა და სიყვარულის მოწმობა და განუცხადოს ერთადერთი ჭეშმარიტება ქრისტეს სიყვარულისა. ჩვენი ეკლესიის ერთობა არ წარმოადგენს ფედერალურ სახეს, და არც რომელიმე პიროვნების გარშემო ერთიანდება, არამედ გამომდინარეობს ჩვენი საერთო რწმენისაგან და მართლმადიდებლური ცხოვრებისაგან.“
შემდგომ აღნიშნა, რომ თითოეულ მართლმადიდებელ ეკლესიას აქვს თავის განსაკუთრებული საუნჯე, რომელსაც სწირავს ქრისტეს. „თვალებს არ შეუძლიათ უთხრან ხელებს: არ გვჭირდებით თქვენ. ვერც თავი ეტყვის იგივეს ფეხებს. არ არსებობს ეკლესიის შიგნით არცერთი ადგილობრივი ეკლესია, რომელსაც არ აქვს თავისი მნიშვნელობა და რომელიც არ სჭირდება ერთ, წმინდა, კათოლიკე და სამოციქულო ეკლესიას.“
შემდგომ შეეხო ახლადგაჩენილ არასწორ მოსაზრებებს, რომლებიც საკმაო რაოდენობის მორწმუნეს აცდუნებენ. „ეპისკოპოსები – განაგრძობს ბართლომეოსი, – მოვალენი ვართ შევიკრიბოთ და ვიმსჯელოთ მართლმადიდებელი ეკლესიისთვის მნიშვნელოვან საკითხებზე, რათა მივიღოთ შესაბამისი ზომები, რომ დავიცვათ მორწმუნეები დომინირებადი მცდარი აზრებისაგან.“
მსოფლიო პატრიარქმა წმინდა და დიდი კრების მოწვევას ისტორიული და დიდი შეფასება მისცა და დასძინა: ჩვენი განსხვავებული შეხედულებების მიუხედავად, მართლმადიდებლები ვალდებულნი ვართ აღვნიშნოთ, რომ სამყაროში ჩვენი მსვლელობის ერთადერთი გზა არის ერთობა. ეს გზა, რა თქმა უნდა, მოითხოვს მსხვერპლს და დიდ ძალისხმევას, და მიიღწევა მედგარი ბრძოლის შედეგად. დარწმუნებული ვარ, რომ კრება, სულიწმინდისმიერი თათბირით, გულწრფელი დიალოგითა და ურთიერთნდობისა და ურთიერთგაგების ატმოსფეროს შექმნით, წვლილს შეიტანს ამ მიმართულებით.”

ასევე ხაზი გაუსვა იმასაც, რომ მართლმადიდებელი ეკლესია და მორწმუნეთა ერთობა „წარმოადგენს ჩვენი დანიშნულების მიზანს“ და აღნიშნა, რომ „ჩვენი საეკლესიო ერთობა არ წარმოადგენს რაიმე სახის ფედერაციას, და არც რომელიმე ადამიანისაგან გამომდინარეობს.“ – აღნიშნავს მსოფლიო პატრიარქი. ( ეს ბოლო წინადადება ითქვა წირვაზე  1:49:00-დან. ΘΕΙΑ ΛΕΙΤΟΥΡΓΙΑ ΤΗς ΠΕΝΤΗΚΟΣΤΗς 4/5 ΣΤΟΝ ΑΓΙΟ ΜΗΝΑ 19-06-2016.)
წყარო: amen.gr

ქართული წყარო

მოამზადა თორნიკე მამნიაშვილმა

გთავაზობთ ბერძნული ტელევიზია ERT-ის მიერ მომზადებულ საინტერესო გადაცემას დიდი და წმიდა კრების შესახებ. გადაცემაში მონაწილეობენ გალიის მიტროპოლიტი ემანუელი, მესინიის მიტროპოლიტი ემანუელი, მილეტის მიტროპოლიტი აპოსტოლოსი, არქიმანდრიტი ეგნატიოს სოტიარიდისი, პროფესორი სპიროს ლიცასი, ნიკო პაპახრისტო, ანდრეა ლუდარუსი (Orthodoxia.Info).
Read more »

დიდი და წმიდა კრება დაიწყო, მსურველებს შეუძლიათ პირდაპირ ეთერში ადევნონ თვალი კრების მიმდინარეობას სამ ენაზე, ბერძულად, ინგლისურად და ფრანგულად (With Commentary: English | Ελληνικά | français), ამ ეტაპზე პირდაპირი ეთერი მხოლოდ ბერძნულ ენაზე მიმდინარეობს.

შესავალ სიტყვაში მსოფლიო პატრიარქმა ბართლომეოსმა აღნიშნა რომ მისი კრებამ მიიღო ანტიოქიის და მოსკოვის პატრიარქების წერილები და აღნიშნა რომ სამწუხაროდ საქართველოდან და ბულგარეთიდან მსგავსი რამ არ მიუღიათ ( ზუსტი თარგმანი გავრცელდება მოგვიანებით).

მსოფლიო პატრიარქი ამ წუთებშიც გამოდის (საქ. დროით 12:30)

https://www.holycouncil.org/-/live-stream-english-commentary

დღეს ჩატარდა საღვთო ლიტურგია წმ. მინას  (დიდმოწამე მინა ) საკათედრო ტაძარში (ირაკლიონი, კრეტა).

საღვთო ლიტურგიაზე თანამწირველობდნენ 10 ეკლესიის მეთაური. ლიტურგიის სრული ჩანაწერი შეგიძლიათ იხილოთ ამ ბმულზე .

ა.წ. 13 ივნისს მოსკოვის საპატრიარქოს საგარეო ურთიერთობების განყოფილების თავჯდომარემ, ვოლოკოლამსკის მიტროპოლიტმა ილარიონმა (ალფეევი) და საზოგადოება/მასმედიასთან ეკლესიის ურთიერთობის სინოდალური განყოფილების თავჯდომარემ ვლადიმერ ლეგოიდამ, რუსეთის ეკლესიის წმინდა სინოდის საგანგებო სხდომის გადაწყვეტილებასთან დაკავშირებით ერთობლივი ბრიფინგი გამართეს, ქართული თარგმანი იხილეთ ბმულზე

წმინდა და დიდი კრების მუშაობის განრიგი

კვირა, 19  ივნისი

სულთმოფენობის კვირა

8:00 -სულთმოფენობის საზეიმო მსახურება

ღონისძიებისთვისონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

11:30- სულთმოფენობის შემდგომი მწურხი

14:00- მართლმადიდებელ ავტოკეფალურ ეკლესიის მეთაურთა ოფიციალური ლანჩი, რომელიც ორგანიზებული იქნება საბერძნეთის რესპუბლიკის პრეზიდენტის, მისი აღმატებულობა პროკოფი პავლოპულოსის მიერ.

ორშაბათი,20  ივნისი

სული წმინდის კვირა

7:30 ღვთაებრივი ლიტურგია

11:00-14:00  წმიდა და დიდი კრების სხდომის გახსნა; კრეტის მართლმადიდებლური აკადემია.

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

15:30 – პრესკონფერენცია

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

16:00-19:30 – წმიდა და დიდი კრების მე-2 სხდომა (კრეტის მართლმადიდებლური აკადემია)

20:00– თეოდორაკის ტრიბუტეს კონცერტი

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

სამშაბათი,21  ივნისი

8:00– ღვთაებრივი ლიტურგია

9:30-13:30 – წმიდა და დიდი კრების მე-3 და მე-4 სხდომა

15:30 – პრესკონფერენცია

17:00-19:30 – წმიდა და დიდი კრების მე-5 სხდომა

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

ოთხშაბათი,22  ივნისი

8:00 – ღვთაებრივი ლიტურგია

9:30-13:30 – წმიდა და დიდი კრების მე-6 და მე-7 სხდომა

15:30– პრესკონფერენცია

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

17:00-19:30 – წმიდა და დიდი კრების მე-8 სხდომა

ხუთშაბათი, 23  ივნისი

8:00 -ღვთაებრივი ლიტურგია

9:30-13:30  – წმიდა და დიდი კრების მე-9 და მე-10 სხდომა

15:30 – პრესკონფერენცია

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

17:00-19:30– წმიდა და დიდი კრების მე-11 სხდომა

პარასკევი, 24  ივნისი

8:00 -ღვთაებრივი ლიტურგია

17:30-19:30- წმიდა და დიდი კრების მე-12 და მე-13 სხდომა

15:30 -პრესკონფერენცია

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

17:30-19:30 – წმიდა და დიდი კრების მე-14 სხდომა

შაბათი, 25  ივნისი

8:00- ღვთაებრივი ლიტურგია

9:30-13:30 – წმიდა და დიდი კრების მე-15 და მე-16 სხდომა[2]

15:30 – პრესკონფერენცია

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

17:00-19:30-  წმიდა და დიდი კრების დახურვა

ღონისძიებისთვის ონლაინ რეჟიმში  თვალყურის მიდევნება შესაძლებელია შემდეგ მისამართზე: https://www.holycouncil.org/live-broadcasts

კვირა, 26  ივნისი

8:00- ცისკარი და კრების მონაწილეთა ერთობლივი ღვთაებრივი ლიტურგია

_______________________________________–

[1] -კოლიმბარი-ადგილი, რომელიც მდებარეობს დასავლეთ კრეტის ჩრდილო ნაწილში, 24 კილომეტრის მანძილზე ქალაქ ხანიადან.

[2]  მსოფლიო საპატრიარქოს საიტზე ამჟამად აღნიშნული სხდომა დანომრილია როგორც მე-12 და მე-13.

მოამზადა გურამ ლურსმანაშვილმა

წყარო: https://www.orthodoxcouncil.org/schedule

როგორც ამ დღეებში გახდა ცნობილი სერბეთის ეკლესია გამოვიდა ინიციატივით კრებაზე თავიდან მოიწვიონ ის ოთხი ეკლესია, რომლებიც არ ესწრებიან კრებას, რასაც სინაქსის წევრები სიხარულით დასთანხმდენენ და გადაწყდა კიდეც შეედგინათ თხოვნის ტექსტი, სადაც აღნიშნული იქნებოდა, რომ სინაქსის მონაწილე პატრიარქები მდაბლად იწვევენ მოძმე პატრიარქებს კრებაზე, რომ კატარისა და ქორწინების დოკუმენტის გადაუწყვეტელ საკითხს არ შეუძლიათ მართლმადიდებელი ეკლესიის ერთობა განხეთქონ.

მონტენეგროს მიტროპოლიტმა ამფილოქემ წინადადებით მიმართა სინაქსისის თავმჯდომარეს, მსოფლიო პატრიარქს, რომ დროის დაკარგვის გარეშე პირდაპირ დაერეკა მის ყოვლადუწმინდესობას ოთხივე პატრიარქთან და მთელი სინაქსის სახელით ეთხოვა კვირას, სულთმოფენობის წირვაზე თანამსახურება, რაც მისმა ყოვლადუწმინდესობამ სხვა ადგილობრივ ეკლესიათა მეთაურების თანხმობით სინაქსის მსვლელობისასვე განახორციელა.

როგორც რუმინეთის საპატრიარქოს პორტალი basilica.ro იუწყება ამჟამად მიდის კრების დადგენილებათა ანალიზი, რათა კრებას, რომელიც ორშაბათს გაიხსნება ყველა ეკლესია დაესწროს. მანამდე კი მართლმადიდებელი ეკლესიის წმინდა სინაქსი ყველა ადგილობრივი ეკლესიის მეთაურთ მოუწოდებს სულთმოფენობის წირვაზე კრეტის კათედრალში თანამსახურებისაკენ, რაც იქნება ნიშანი იმისა, რომ მართლმადიდებელი ეკლესია უთანხმოებათა მიუხედავად ერთობით აგრძელებს ცხოვრებას.

წყარო http://www.kreba2016.ge/

უწმიდესი პატრიარქის – კირილეს გზავნილი, კუნძულ კრეტაზე შეკრებილ მართლმადიდებელი ადგილობრივი ეკლესიების წინამძღვრებს და წარმომადგენლებს.

მოსკოვისა და სრულიად რუსეთის პატრიარქმა, უწმიდესმა კირილემ გაუგზავნა წერილი კუნძულ კრეტაზე შეკრებილ მართლმადიდებელი ადგილობრივი ეკლესიების წინამძღვრებსა და წარმომადგენლებს.

მის უწმიდესობას, უწმიდეს ბართლომეოსს, მთავარეპისკოპოსს კონსტანტინოპოლისა – ახლისა რომისა და მსოფლიო პატრიარქს, უფლის წმიდა ეკლესიის უწმიდეს და უნეტარეს წინამძღვრებს, მთავარეპისკოპოსებს, ეპისკოპოსებს, მონოზვნებს და ერისკაცებს, შეკრებილთ კუნძულ კრეტაზე:

თქვენო უწმიდესობავ, უწმიდესო პატრიარქო ბართლომეოს! უწმიდესნო და უნეტარესნო! ყოვლადსამღვდელონო მთავარეპისკოპოსნო, მართლმადიდებელი ადგილობრივი ეკლესიების უხუცესო წარმომადგენლებო!

გულითადად მოგესალმებით რუსეთის მართლმადიდებელი ეკლესიის სახელით, ასევე რუსეთში, უკრაინაში, ბელორუსიაში, მოლდოვაში და სხვა ქვეყნებში მცხოვრები მართლმადიდებელი მორწმუნეების სახით, რომელნიც შეადგენენ მოსკოვის საპატრიარქოს ფართო სამწყსოს.

ჩვენ ყოველნი, ძმანი, წარმოვადგენთ ქრისტეს ერთიან სხეულს (1კორ. 12,27). ერთიანობის ფასდაუდებელი მადლი, ჩვენ თავად უფლისა და მაცხოვრისა ჩვენისა იესუ ქრისტესაგან მივიღეთ. ჩვენი ერთ-ერთი ყველაზე მნიშვნელოვანი ამოცანა, ამ მადლის შენარჩუნებაა, ეს გახლავთ მაცხოვრის პირდაპირი მცნება (ინ. 17,21).

დაე ნუ დაგვაბნევს ჩვენ ის ფაქტი, რომ და-ეკლესიების შეხედულებები გაიყო წმიდა და დიდი კრების მოწვევასთან დაკავშირებით. წმ. პავლე მოციქულის სიტყვების თანახმად, „რამეთუ წვალებაცა ყოფად არიან თქვენ შორის, რაითა რჩეულნი იგი თქუენ შორის გამოჩნდნენ“ (1კორ. 11,19), კრების მოსამზადებელ დღეებში, ასეთმა სხვადასხვაგვარმა შეხედულებებმა სრულად გამოავლინეს თავი, მაგრამ ჩვენ არ უნდა მივცეთ მათ საშუალება, რომ დაასუსტონ ერთობა, რომელიც საერთოეკლესიურ კონფლიქტში გადაიზრდება და არ უნდა მივცეთ საშუალება, რომ შემოიტანაონ განყოფა და განხეთქილება ჩვენს შორის. ჩვენ ვრჩებით ერთ მართლმადიდებლურ ოჯახად და ჩვენ ყოველნი, ერთად ვართ პასუხისმგებელნი მართლმადიდებლობის ბედზე.

ღრმად ვარ დარწმუნებული იმაში, რომ იმ ეკლესიებმაც, რომელთაც გადაწყვიტეს კრეტაზე გამომგზავრება და იმათაც, რომელთაც თავი შეიკავეს ამისაგან – თავისი გადაწყვეტილება კეთილსინდისიერად მიიღეს, ამიტომ მათ პოზიციას ჩვენ პატივისცემით უნდა მიუდგეთ.

რუსეთის მართლმადიდებელი ეკლესია ყოველთვის იქიდან გამოდიოდა, რომ არ შეიძლება უგულებელყოფა ნებისმიერი ადგილობრივი ეკლესიის პოზიციციისა, მცირესი თუ დიდის, უძველესის თუ ახლის. ანტიოქიის ეკლესიის კრებაზე არ დასწრება იმას ნიშნავს, რომ საერთომართლმადიდებლურ კონსესუსს ჩვენ ვერ მივაღწიეთ. ჩვენ არ შეგვიძლია საქართველოს, სერბეთის და ბულგარეთის ეკლესიების პოზიციების იგნორირება, რომელთაც მხარი დაუჭირეს კრების გარკვეული ვადით გადადების იდეას.

მწამს, რომ კეთილი ნების შედეგად, კრეტაზე შემდგარ შეხვედრას შეუძლია იქცეს მნიშვნელოვან ნაბიჯად, რათა გაქარწყლდეს წარმოქმნილი უთანხმოებანი. მას შეუძლია თავისი წვლილი შეიტანოს, იმ წმიდა და დიდი კრების მომზადებაში, რომელიც გააერთიანებს ყველა ადგილობრივ ავტოკეფალურ ეკლესიებს და გახდება ხილული გამოხატულება, ქრისტეს წმიდა მართლმადიდებელი ეკლესიის ერთიანობისა, რაზეც ლოცულობდნენ და რასაც მოელოდნენ ჩვენი ღვთივგანსვენებული წინაპრები.

გარწმუნებთ, რომ ჩვენი ლოცვები იქნება თქვენთან მომავალი სამუშაო დღეების განმავლობაში.

ქრისტეში სიყვარულით

+ კირილე, მოსკოვისა და სრულიად რუსეთის პატრიარქი.

რუსულიდან თარგმნა იოანე შოშიაშვილმა.

წყარო: http://www.patriarchia.ru/db/text/4541211.html

საბერძნეთის კუნძულ კრეტაზე მართლმადიდებელი ეკლესიების დიდი და წმიდა კრების დაწყება ახლოვდება, რომელიც  2016 წლის 19-27 ივნისს  უნდა ჩატარდეს.

კუნძულზე ნელნელა ჩადიან 10 ეკლესიის დელეგაცია, სურათზე რუმინეთის საპატრიარქოს დელეგაციისა და პატრიარქ დანიელის საპატიო დახვედრა.

კონსტანტინოპოლის პატრიარქი მოუწოდებს იმ ეკლესიებს, რომელთაც უარი განაცხადეს მართლმადიდებელთა კრებაში მონაწილეობაზე, შეცვალონ გადაწყვეტილება.

“ვისურვებდი, რომ ამ ეკლესიებმა გადახედონ თავიანთ გადაწყვეტილებებს” – განაცხადა პატრაიქრმა ბართლომემ და დაამატა და ის, რომ ამ ეკლესიების დაუსწრებლობა აფერმკრთალებს “ისტორიული მოვლენის სიხარულს.”