ეკლესია და თანამედროვეობა

კათოლიკოს–პატრიარქისა და რომის პაპის ურთიერთმისასალმებელი სიტყვები

30/09/2016
By
14517656_1176833899048684_7818869072901542129_nუწმინდესისა და უნეტარესის, სრულიად საქართველოს კათოლიკოს-პატრიარქ ილია II-ის მისასალმებელი ოფიციალური სიტყვა

მისი უწმინდესობის, რომის პაპ ფრანცისკესადმი

 საქართველოს საპატრიარქო
30.09.2016

თქვენო უწმინდესობავ,  პაპო ფრანცისკე!

მოხარულნი ვართ თქვენი სტუმრობით და გულითადად მოგესალმებით იმ ერის სახელით, რომელიც არის წილხვედრი ყოვლადწმინდისა მარიამისა; მოგესალმებით იმ ეკლესიის სახელით, რომელსაც საფუძველი იესო ქრისტეს მოწაფეებმა დაუდეს. ყველასათვის ცნობილია, რომ რომის ეკლესია დააარსა წმ. პეტრე მოციქულმა, საქართველოს ეკლესია კი, – წმ. ანდრია პირველწოდებულმა; პეტრე და ანდრია ძმები იყვნენ და ჩვენც განსაკუთრებული ურთიერთობა გვქონდა და გვმართებს.

Read more »

წმ. კირიონ II ის წერილი რომის პაპს

25/09/2016
By

kirioni„გპირდები, რომ ქართველი ხალხი არ შეავიწროვებს შენი ტახტის მიმდევრებს“ – საქართველოს პატრიარქი რომის პაპს

წერილი, რომელსაც ახლა წაიკითხავთ არ ეკუთვნის საერო ან საქმეში ჩაუხედავ პირს. პირიქით, მისი ავტორია კირიონ II, სრულიად საქართველოს კათოლიკოს-პატრიარქი (+1918). უფრო მეტიც ამ წერილის ავტორი წმინდანადაა შერაცხული საქართველოს ეკლესიის მიერ.

წმ. კირიონმა წინამდებარე წერილი 1917 წელს გაუგზავნა რომის პაპ ბენედიქტე XV-ს. პატრიარქი პირდება პაპს, რომ მისი ქვეშევროდმი კათოლიკენი არ იქნებიან შევიწროვებულნი არც მისგან და არც ქართველი ერისგან.

ტექსტი გამოქვეყნებულია საქართველოს საპატრიარქოს ჟურნალში „სვეტიცხოველი“ (1917, №4).

Read more »

რომის პაპის ვიზიტის შესახებ

19/09/2016
By

14141567_10209017246280920_3422970990761687942_n

წმინდა პავლე მოციქულის სახელობის მართლმადიდებლური ღვთისმეტყველების ცენტრი უერთდება ჩვენი ცენტრის წევრის, დეკანოზ თამაზის ამ განცხადებას, დავამატებთ რომ მსგავსადაა სიტუაცია მსოფლიოს სხვა ბევრ ქვეყანაშიც.

” მივესალმებით რომის პაპის, ფრანცისკეს ვიზიტს საქართველოში. პაპი საქართველოს 30 სექტემბერს ეწვევა. განსაკუთრებული მნიშვნელობისაა და დიდად სასიხარულოა კათოლიკური ეკლესიის მეთაურის ვიზიტი საქართველოს კათოლიკური სამრევლოების მოძღვრებისა და მრევლისთვის, ასევე მშვიდობისა და ურთიერთგაგების განმტკიცებისათვის ქვეყნებს შორის.

ევროპაში მოქმედ მართლმადიდებელ სამრევლოებს და აქ მცხოვრებ მართლმადიდებლებს სიკეთისა და თანადგომის მეტი არაფერი გვახსოვს ევროპელი კათოლიკებისგან.

გერმანიის ბევრ ქალაქში კათოლიკები უსასყიდლოდ გვითმობდნენ საკუთარ ტაძრებს მართლმადიდებელი ღვთისმსახურებისთვის და ყოველნაირად გვეხმარებოდნენ ჩვენ, ახლად ჩამოსულ უცხოელ მართლმადიდებლებს თავის დამკვიდრებაში. ეს არ უნდა დავივიწყოთ, რადგან ესაა ქრისტიანობა – სიყვარული და შეწყნარება უცხოსი.

ვულოცავთ ჩვენს თანამოქალაქე კათოლიკებს ამ მნიშვნელოვან და სასიხარულო მოვლენას.

კეთილი იყოს რომის ეპისკოპოსის ჩამობრძანება საქართველოში!

დეკანოზი თამაზ ლომიძე
მიუნხენის ქართული ეკლესიის წინამძღვარი”

წყარო

კეთილი იყოს რომის პაპის ჩამობრძანება საქართველოში!

მსოფლიო საპატრიარქოს უპირატესობა აღმოსავლეთის სხვა ეკლესიებთან მიმართებაში

13/09/2016
By

patriarchates-logoავტორი: ვასილი სტავრიდისი,
(თეოლოგია. 42, გვ 314-328.)

თარგმანი: თორნიკე მამნიაშვილი

  • წინაპირობები და მიზეზები, რომლებიც მხედველობაში უნდა იქნეს მიღებული.

ქრისტიანობის ისტორიის პირველ ათასწლეულში კონსტანტინოპოლის, ალექსანდრიის, ანტიოქიის და იერუსალიმის საპატრიარქოები განვრცობილნი იყვნენ 3 კონტინენტის – ევროპის, აზიისა და აფრიკის გეოგრაფიულ ტერიტორიებზე. კონსტანტინოპოლის საპატრიარქოში შედიოდა ბალკანეთის ნახევარკუნძულის ნაწილი, კუნძულები და მცირე აზია. სირიაში განთავსებული ძირითადი ნაწილის გარდა, ანტიოქიის საპატრიარქოს იურისდიქციის ქვეშ პერიოდულად ექცეოდა ხოლმე მისგან ჩრდილოეთით მდებარე სომხეთი და აღმოსავლეთით მდებარე სპარსეთი. იერუსალიმის საპატრიარქოს ექვემდებარებოდა ანტიოქიის სამხრეთით მდებარე რეგიონები ვიდრე ეგვიპტემდე, ხოლო ალექსანდრიის საპატრიარქოს – ეგვიპტე და მისი სამხრეთი მეზობელი რეგიონები. მორწმუნეთა ძირითადი ნაწილი, რომლებიც მიეკუთვნებოდნენ ამ ეკლესიებს, იყვნენ ბერძნული, სირიული, სომხური, ქართული, სპარსული და კოპტური წარმოშობისა. ალექსანდრე დიდის დაპყრობების გამო ამ გეოგრაფიულ რეგიონებში მცხოვრებ მოსახლეობაში გავრცელდა ელინიზმი, მაგრამ რამდენად ძლიერი იყო ბერძნული იდეების ზეგავლენა ავტოქტონი ხალხების აზროვნების წესზე, ენასა და ცხოვრების წესზე, რჩება ღია საკითხად. უეჭველია, რომ ამ რეგიონში მდებარე ყოველი დიდი ქალაქი იყო ელინისტური კულტურის ცენტრი, დროის მცირე თუ დიდი მონაკვეთის განმავლობაში.

Read more »

საქართველოს პატრიარქის სამძიმარი რომის პაპს

25/08/2016
By

get_img“საქართველოს კათოლიკოს-პატრიარქის სამძიმრის წერილი რომის პაპ ფრანცისკეს (25.08.2016)”

25 აგვისტო

 მის უწმინდესობას,
რომის პაპ ფრანცისკეს

თქვენო უწმინდესობავ,

საქართველოს მართლმადიდებელი ეკლესიისა და პირადად ჩემი სახელით გამოვთქვამთ ღრმა მწუხარებას იტალიის ქ. პერუჯაში და მის მიმდებარედ მომხდარი დიდი მიწისძვრის გამო, რომელმაც მრავალი ადამიანის სიცოცხლე შეიწირა და ათასობით უსახლკაროდ დატოვა. თქვენით ხალხისა და ქვეყნისთვის ამ მძიმე პერიოდში მინდა იცოდეთ, რომ ჩვენც თქვენს გვერდით ვართ და თანამოზიარენი ვართ თქვენი ტკივილისა. გთხოვთ, ჩვენი სამძიმარი გადასცეთ გარდაცვლილთა და დაზარალებულთა ოჯახებს და იტალიის მოსახლეობას. შევთხოვ ღმერთს, მოანიჭოს იტალიას და მსოფლიოს მოსახლეობას მშვიდობა და თვისი წყალობა. პატივისცემით,
ილია II,
სრულიად საქართველოს კათოლიკოს-პატრიარქი25.08.2016წ.

***

 To His Holiness
Pope of Rome Francis

Your Holiness,

On behalf of the Orthodox Church of Georgia and personally on my behalf, I would like to express our deep condolences in connection with the aftermath of the earthquake which took place in Perugia and in its vicinity, claiming the lives of so many people and leaving thousands homeless.

In these hard times for your people and your country, I would like you to know that you have our support and we share your pain.

Please convey our condolences to the families of the deceased and injured, to those who have suffered loss,and to the people of Italy.

We implore God that He may grant Italy and all the peoples of the world peace and His mercy.

Yours Sincerely,

Ilia ΙΙ,
Catholicos-Patriarch of All Georgia,
Archbishop of Mtskheta and Tbilisi, Metropolitan of Bitchvinta and Tskhum-Apkhazeti

25.08.2016

წყარო

სამძიმარი იტალიელ ხალხს

25/08/2016
By

923248_10151432528157675_105573624_nცენტრალურ იტალიაში საშინელი მიწისძვრის შედეგად ბევრი ადამიანი დაიღუპა და უამრავი დაშავდა, თითქმის  მთლიანად დაინგრა ულამაზესი შუასაუკუნეების ქალაქი ამატრიჩე, მნიშვნელოვნად დაზიანდა იტალიის ცენტრის სხვა ქალაქები.

წმინდა პავლე მოციქულის სახელობის მართლმადიდებლური ღვთისმეტყველების ცენტრი სამძიმარს უცხადებს იტალიელ ხალხს და უერთდება იტალიაში მოღვაწე მართლმადიდებელი ეკლესიების საერთო სამძიმრის წერილს. 

ამ დღეებში გავრცელდა იტალიისა და მალტის მთავარეპისკოპოსის, მიტროპოლიტ გენადიოსის (მსოფლიო საპატრიარქო) წერილი იტალიის პრეზიდენტ სერჯო მატარელასადმი: “გლოვასა და ლოცვაში ჩვენი იტალიისთვის” , ხოლო მართლმადიდებელი მოძღვრებისა და სამრევლოების დიდი ნაწილი ჩაერთო საქველმოქმედო აქციებში დაშავებულთა დასახმარებლად, იტალიისა და მალტის  ეპარქიის მსოფლიო საპატრიარქოს ოფიციალურ გვერდზე სპეციალური ინფორმაციაც გავრცელდა, თუ როგორ შეიძლება იტალიელი ხალხის დახმარება.

იტალიაში მობილიზირებულია სხვა ქრისტიანული კონფესიების დახმარებებიც,  ხოლო თავად იტალიის კათოლიკურმა ეკლესიამ (Conferenza Episcopale Italiana) პირველივე დღეს მიწისძვრით დაზარალებულთა დახმარების ფონდში 1მლნ ევრო გადარიცხა.

დღესვე, საქართველოს საპატრიარქომ ორენოვანი, ქართულ-ინგლისური სამძიმრის წერილებით მიმართა რომის პაპს ფრანცისკეს და იტალიის პრემიერ-მინისტრს მატეო რენცის ( Matteo Renzi)

 

 

 

ცენტრის განცხადება შემოქმედის ეპარქიის კრების ოქმთან დაკავშირებით

24/08/2016
By

Screen-Shot-2012-07-18-at-10.56.30-AM-300x243სრულიად მართლმადიდებლურ სამყაროში 2016 წელს 16-27 ივნისს კუნძულ კრეტაზე გამართულ დიდ და წმიდა კრების ირგვლივ დისკუსიები მიმდინარეობს და ის მნიშვნელოვანი შემადგენელი ნაწილია ეკლესიათა დიალოგისა დიდ და წმიდა კრების გადაწყვეტილებების განხილვების დროს.

მიუხედავად იმისა, რომ ჩვენს ეკლესიას ჯერ ოფიციალურად არ მიუღია არანაირი გადაწყვეტილება კრებაზე მიღებულ დადგენილებებთან დაკავშირებით, დიდ და წმიდა კრების მიმდინარეობისას ქართული საეკლესიო მედიის მიერ,იშვიათი გამონაკლისის გარდა ვრცელდებოდა ისეთი სახის ინფორმაციები რაც ხელს უწყობდა კრების საწინააღმდეგო განწყობის შექმნას. აქტიურად ქვეყდნებოდა კრების მიმართ უარყოფითად განწყობილი ცალკეულ იერარქთა თუ საერო პირთა ინტერვიუები, რათა გადაფარულიყო ეკლესიათა უმრავლესობის ერთიანი აზრი და ხელმოწერით დადასტურებული ერთიანობა.

სამწუხაროა, რომ ასეთი ინფორმაციების გავრცელებაში ადგილობრივი ეპარქიაც არის ჩართული; ასე მაგალითად, საგანგაშოა საქართველოს მართლმადიდებელი ეკლესიის შემოქმედის ეპარქიის ოფიციალური Facebook-ის გვერდზე გამოქვეყნებული 11 აგვისტოს გამართული საეპარქიო სხდომის ოქმის ტექსტი (https://www.facebook.com/permalink.php?story_fbid=1028060670646569&id=100003279363590, იხილეთ ქვემოთ მოყვანილი ხსენებული გვერდიდან გადაღებული ასლი)

Read more »

დიალოგი სულიერ ტრადიციაში

1391509499

საუბარი სამარიელ ქალთან, რომი, ვია ლათინას კატაკომბა, IV ს.

მოხსენება, წაკითხული ორიენტალისტიკის პონტიფიკალურ ინსტიტუტში, ანთროპოლოგიის თანამედროვე პრობლემებისადმი მიძღვნილ სემინარზე.

 ავტორი: იეროდიაკვანი ლეონიდე ებრალიძე

ქრისტიანულ კოსმოგონიაში ადამიანის შექმნის ფაქტი არის დიალოგის ნაყოფი: თქვა ღმერთმა: გავაჩინოთ კაცი ჩვენს ხატად, ჩვენს მსგავსებად“ (დაბ.1:26), წმინდა წერილის ამ ციტატით ისპირირებული წმ. გრიგოლ ნოსელი, პატრისტიკულ და საეკლესიო ტრადიციასთან სრულ სიმფონიაში შენიშნავს: „ადამიანის შესახებ იყო მსჯელობა, ის [ღმერთი] არ ამბობს, როგორც სხვა ქმნილებათა შემთხვევაში „იქმნას კაცი!“ იხილე, რაოდენი პატივის ღირსი ხარ, რამეთუ შენი არსებობა არ არის ერთი ბრძანების შედეგი, პირიქით, ღმერთი კონსულტირებს, თუ რა იქნება საუკეთესო მიდგომა ესოდენი პატივის ღირსი ქმნილების  შესაქმნელად“[1]. შემოქმედებითი აქტის შემდეგ ღმერთი აგრძელებს თავის დიალოგს ქმნილებასთან: ადამ სად ხარ… სად არის აბელი, შენი ძმა… Read more »

მართლმადიდებლური ფუნდამენტალიზმი სექტად გარდაიქმნება

20/07/2016
By

zizioulas

ინტერვიუ პერგამოსის მიტროპოლიტ იოანე ზიზიულასთან

საუბარი შედგა წმინდა იოანე ნათლისმცემლის მონასტერში ქ. ესექსში (დიდი ბრიტანეთი) წმ. ფილარეტის ინსტიტუტის სტუდენტებისა და პედაგოგების სტუმრობისას.

მეუფეო,  ძალიან მოხარულები ვართ თქვენთან შეხვედრით. რითი მიიქცია თქვენი ყურადღება ამ მონასტერმა? თქვენი შეხედულებიდან რა არის უფრო მეტად აქტუალური  და მოთხოვნადი დღევანდელ  ქრისტიანულ სამყაროში  წმინდა სილუან ათონელის და არქიმანდრიტ სოფრონის (სახაროვი) საღვთისმეტყველო და სულიერი გამოცდილებიდან?

მე ვიცნობდი მამა სოფრონს. მე  მასში ორი ძირითადი ხაზი აღმოვაჩინე, რომელიც ჩემი შეხედულებით ძალიან მნიშვნელოვანია. მამა სოფრონი საზრდოობდა ღრმა ათონური მონაზვნობის გამოცდილებიდან და ძალიან კარგად იცნობდა ამ ტრადიციას, ამოდიოდა ისიქასტებიდან, წმინდა გრიგოლ პალამადან. იმავდროულად მას ჰქონდა ღვთისმეტყველების ღრმა ცოდნა და ინტერესი. სხვა სიტყვებით რომ ვთქვათ, მას ქონდა არა უბრალო მოწიწებული დამოკიდებულება სულიერებასთან, არამედ ცოცხალი საღვთისმეტყველო აზროვნება, რომელიც ჩემთვის  ძალიან მნიშვნელოვანი აღმოჩნდა. მე მასში  ჩემი სულიერი მოძღვარი ვიპოვე.  ჯერ კიდევ ერისკაცი ვიყავი, როდესაც მას შევხვდი. დიდი მადლიერი ვარ მისი სულიერი მხარდაჭერის, სწორედ მან გადამაწყვეტინა მიმეღო მსოფლიო საპატრიარქოს შეთავაზება გავმხდარიყავი  კონსტანტინოპოლის მართლმადიდებელი ეკლესიის მიტროპოლიტი.

Read more »

ადამიანი და სამყარო მაქსიმე აღმსარებელთან

18/07/2016
By

ადამიანი და ბუნება

ადამიანი და სამყარო წმინდა მაქსიმე აღმსარებლის ღვთისმეტყველებაში.

ავტორი: პერგამოს მიტროპოლიტი იოანე ზიზიულასი.

თარგმანი: თორნიკე მამნიაშვილი

***

განვითარებითი შემოქმედება

  1. შესავალი: წმინდა მაქსიმეს ცხოვრება

დიდი სიხარულით ვიღებ მონაწილეობას კვლევათა ეროვნული საზოგადოების ბიზანტიური კვლევების მიერ ორგანიზებულ მოხსენებათა ციკლში. ციკლში, რომელიც ნამდვილად წარმოადგენს განსაკუთრებული ინტერესის საგანს არა მხოლოდ ბიზანტიის ისტორიისა და კულტურის შესასწავლად, არამედ თანამედროვე სამყაროსთვის ამ კულტურის მნიშვნელობისთვისაც.

ეკოლოგიური კრიზისის მომძლავრების ეპოქაში, რის წინაშეც ვდგავართ დღესდღეობით, გვმართებს ვკითხოთ საკუთარ თავს, განსაკუთრებით კი, ჩვენ, მართლმადიდებლებმა – რა უნდა გვასწავლოს ეკლესიის მამების მიერ ჩამოყალიბებულმა გარდამოცემამ ადამიანისა და ბუნებრივი გარემოს ურთიერთობის შესახებ?

Read more »