მეცნიერება და რელიგია

ჩემთვის, როგორც მეცნიერისთვის, უეჭველია, რომ სტივენ ჰოუკინგი ცდება. შეუძლებელია სამყაროს ახსნა ღმერთის გარეშე

ავტორი: ჯონ ლენოქსი

წარმოგიდგენთ ცნობილი ქრისტიანი აპოლოგეტის და ოქსფორდის უნივერსიტეტის მათემატიკის პროფესორის ჯონ ლენოქსის მეტად საინტერესო სტატიას, რომელიც დაიბეჭდა ონლაინ ჟურნალში Mail Online. ავტორი ეხება თანამედროვეობის ცნობილი ასტროფიზიკოსის სტივენ ჰოუკინგის ფილოსოფიურ იდეებს, რომლებიც წარმოდგენილია მის რამდენიმე ბესტსელერში (A Brief History of Time, The Universe in a Nutshell, The Grand Design) და რომელთა რელიგიური ლეიტმოტივი შემდეგია: ფიზიკური კანონები სრულიად საკმარისია, რომ სამყარო შეიქმნას და ამისთვის ღმერთი არაა საჭირო. ჯონ ლენოქსი გვთავაზობს სტივენ ჰოუკინგის პოზიციის კრიტიკას და ასაბუთებს, რომ ღმერთის არსებობის გარეშე შეუძლებელია აიხსნას ფიზიკური სამყაროს მამოძრავებელი კანონების არსებობა და შედეგად თავად სამყაროს შექმნა.

სპეციალურად ბლოგისთვის თარგმნა ზაზა ოსმანოვმა

Read more »

ანთროპული კოსმოლოგიური პრინციპი

წარმოგიდგენთ გადაცემას თემაზე “ანთროპული კოსმოლოგიური პრინციპი“, რომელიც ჩაიწერა საპატრიარქოს ტელევიზიის არხზე ერთსულოვნება.

გადაცემის წამყვანი პროფ. გია მაჩაბელი

სტუმრად მიწვეულია ასტროფიზიკოსი ზაზა ოსმანოვი

ანთროპული კოსმოლოგიური პრინციპი არის კონცეფცია, რომლის თანახმად, საბუნებისმეტყველო მეცნიერებები (ფიზიკა-ასტროფიზიკა და ქიმია), იმისათვის, რომ სწორად ახსნან ბუნებაში მიმდინარე მოვლენები, აუცილებლად უნდა ითვალისწინებდნენ სამყაროში ადამიანის არსებობას, მიუხედავად იმისა, რომ ადამიანი სამყაროს მიზერულ ნაწილს იკავებს. ეს კონცეფცია სავსებით ბუნებრივია რელიგიისთვის, თუმცა მეცნიერებაში მისი შემოყვანა და მით უმეტეს მისი სანდოობის ჩვენება უნდა მიანიშნებდეს მეცნიერებისა და რელიგიის საინტერესო კავშირზე. გადაცემაში აგრეთვე საუბარია იმ მეტად უცნაურ ფაქტზე, რომ ჩვენს სამყაროში ყველა ფიზიკური სიდიდე იმდენად ფაქიზადაა შერჩეული, რომ მათი უმნიშვნელოდ შეცვლა გამოიწვევდა სამყაროს ისეთ სახეცვლილებას, სადაც შეუძლებელი იქნებოდა სიცოცხლის და მით უმეტეს გონიერი არსებების გაჩენა და განვითარება. სამყარო მეტად კარგადაა აწყობილი და მომზადებული ადამიანის მასში შემოსვლისთვის.

ჩანაწერის საყურებლად გადადით შესაბამის ბმულებზე ქვემოთ

ნაწილი პირველი

ნაწილი მეორე

ნაწილი მესამე

კალენდარული და პასქალური რეფორმა: ისტორია და თანამედროვეობა

გთავაზობთ მღვდელი ვლადიმირ ხულაპის ნაშრომის ”კალენდრული და პასქალური რეფორმა: ისტორია და თანამედროვეობა” ქართულ თარგმანს. ავტორი სტატიაში მოკლედ, მაგრამ საკმაოდ დეტალურად, ეხება ისეთ მნიშვნელოვან საკითხებს, როგორიცაა იულიუსის, გრიგორიუსის და შესწორებული იულიუსის კალენდრები თავისი ცდომილებებით, პასქალია და ქრისტიანული პასქალური ცხრილები, პირველი მსოფლიო კრება და კალენდრული საკითხი კრების შემდეგ, და დასასრულს ეს ყველაფერი განხილული იქნება თანამედროვეობის ჭრილში.

 

 
მღვდელი ვლ. ხულაპი გახლავთ რუსული მართლმადიდებელი ეკლესიის სანკტ-პეტერბურგის მართლმადიდებლური სასულიერო აკადემიის პრორექტორი (http://www.spbda.ru/), დოქტორი ღვთისმეტყველებაში (რეგენსბურგი, გერმანია).

 

სტატია გამოქვეყნებული იყო ჟურნალში “Церковный вестник”, СПб, No. 3 за 2002 г და მისი დედანი განთავსებულია შემდეგ ბმულზე: http://www.pagez.ru/jc/033.php
სტატიის ქართულ თარგმანზე სათანადო უფლებები ავტორისაგან აღებულია. სპეციალურად ჩვენი ბლოგისთვის სტატია თარგმნა დიაკვანმა ირაკლი (ერეკლე) წაქაძემ.
 

Read more »

გრავიტაციის მნიშვნელობა

ჯონ ლენოქსი

წარმოგიდგენთ ცნობილი ქრისტიანი აპოლოგეტის და ოქსფორდის უნივერსიტეტის მათემატიკის პროფესორის ჯონ ლენოქსის ვიდეო ლექციას, სადაც ავტორი საუბრობს სამყაროს შექმნის, გრავიტაციის და ღმერთის შესახებ. დიდ წილად საკითხი ეხება ცნობილი მეცნიერის სტივენ ჰოუკინგის ფილოსოფიური იდეების კრიტიკას და მტკიცებას, რომ სამყაროს შესახებ თანამედროვე მეცნიერული წარმოდგენები არანაირად არ გამორიცხავენ ღმერთის არსებობას.
ლექცია ინგლისურადაა და ბოდიშს გიხდით მათ, ვისაც არ გაქვთ საშუალება მისი მოსმენისა.

მეცნიერება და რწმენა

ავტორი: ლევან აბაშიძე

საქართველოს პარლამენტის ეროვნული ბიბლიოთეკა, საჯარო ლექციები ეროვნულ ბიბლიოთეკაში, 30 ივნისი, 2006 წელი

აღნიშნული სტატია განთავსებულია ბიბლიურ-თეოლოგიური ინსტიტუტის ვებ გვერდზე.

სიტყვა მეცნიერებაში მე ვგულისხმობ მეცნიერებას თანამედროვე გაგებით, რასაც ეწოდება საბუნებისმეტყველო მეცნიერება (science), რომელიც ჩამოყალიბდა XVII საუკუნიდან. ამ მეცნიერებას განუზომლად დიდი გავლენა აქვს თანამედროვე ცივილიზაციაზე და ის სულ უფრო მიუწვდომელი ხდება არაპროფესიონალებისთვის რაც შეიძლება ცრურწმენებისა და უსაფუძვლო შიშის წყარო იყოს.

კალენდრული საკითხის შესახებ

ავტორი: ზაზა ოსმანოვი

ბოლო დროს გაჩნდა ძალიან საინტერესო ტენდენცია. თუ აქამდე კალენდრულ საკითხს საეკლესიო ტრადიციის და კანონიკის კონტექსტში წარმოგვიდგენდნენ, ახლა უკვე არის მცდელობა, რომ მეცნიერულად გაამართლონ იულიუსის კალენდრის გამოყენება იმ “მოტივით”, თითქოს ის უფრო ზუსტია ვიდრე გრიგორიუსის კალენდარი ან ე.წ. შესწორებული იულიუსის კალენდარი. საუბარი გვაქვს დეკანოზ ბიძინა გუნიას რამდენიმე ვრცელ სტატიასა თუ პუბლიკაციაზე, სადაც ავტორი ცდილობს კალენდრული საკითხი წარმოგვიდგინოს არა მარტო წმინდა წერილის; სჯულის კანონის დაწმინდა მამათა სწავლების ფონზე, არამედ აგრეთვე გვთავაზობს საკუთარი პოზიციის ასტრონომიულ “მოტივაციას”.

აქედან გამომდინარე საჭიროდ მიგვაჩნია აღნიშნული პრობლემის დეტალური განხილვა, სხვადასხვა კალენდრულ სისტემათა შედარება და ამ საკითხის პასქალური თვალსაზრისით კრიტიკული მიმოხილვა.

სრულად წაკითვა

კოსმოსის ევოლუცია VS “კრეაციონიზმი”

სემინარი წაკითხული იქნა ზაზა ოსმანოვის მიერ კავკასიურ სახლში
სემინარის ორგანიზატორი: ბიბლიურ-თეოლოგიური ინსტიტუტი

მოხსენების სლაიდის გადმოტვირთვა

განათლების ერთ-ერთი ფუნდამენტური, ყველაზე მნიშვნელოვანი და განმსაზღვრელი ასპექტი სასწავლო დაწესებულებებში წარმოდგენილი შესაბამისი კურსებია. შედეგად, განათლების დონე შესაძლებელია შეფასდეს ამ კურსების დონით, რომელიც პირდაპირ გავლენას ახდენს მოსწავლეთა სწავლის ხარისხზე.  Read more »

დასაბამად ქმნა ღმერთმა ცა და ქვეყანა

ავტორი: ზაზა ოსმანოვი

სამყაროს წარმოშობის და მოწყობის თანამედროვე მეცნიერული წარმოდგენების შესახებ
სტატია გამოქვეყნებულია ჟურნალებში “ხვამლი” და ”საპატრიარქო უწყებანი” (იხ. ხვამლი, 2(16), გვ. 51 (2007);
საპატრიარქო უწყებანი, N3 (489), გვ.14 (2009))
ჩვენს წინაშე ორი დიდი წიგნია ბიბლია და მეცნიერება ბუნების შესახებ. და თუ ზოგიერთი ამბობს, რომ ეს ორი წიგნი ეწინააღმდეგება ერთმანეთს, ეს იმას ნიშნავს, რომ იგი თავად ვერ გებულობს ან ერთს, ან მეორეს.
(მეცნიერებათა აკადემიაში შეხვედრისას უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის მიერ წარმოთქმული სიტყვიდან) Read more »