წყარო: Netgazeti სამოქალაქო და პროფესიული ორგანიზაციების შემდეგ, კაზინოებისთვის დაწესებული ფინანსური შეღავათების წინააღმდეგ მიმართვა თეოლოგთა ჯგუფმაც გაავრცელა. ხელმომწერთა თქმით, ეკლესია ლუდომანიის გავრცელების რისკის ზრდაზე თვალს ვერ და არ დახუჭავს, რადგან ლუდომანია არა მხოლოდ ცალკეული ადამიანის, არამედ მისი ოჯახის, სოციალური გარემოსა და, საბოლოო ჯამში, საზოგადოების პრობლემადაც იქცევა. “მართლმადიდებელი ეკლესია განსაკუთრებულ ყურადღებას უთმობს სხვადასხვა სახის დამოკიდებულების: ალკოჰოლიზმის, ლუდომანიის, ნარკომანიისა და სხვა მძიმე მდგომარეობების მქონე ადამიანების სულიერ და სოციალურ ყოფას. ამ კონტექსტში მართლმადიდებლურ ტრადიციაში ცნობილია ყოვლადწმინდა ღვთისმშობლის ხატი „ბარძიმი შეუსმელი“, რომლისადმი მიძღვნილ ტროპარში ვკითხულობთ: „ევედრე ძესა...